Berkarya Menulis Inspirasi

 SANTRI

Kawit cilik aku dadi santri
Ngaji no langgar diwulang Kyai
Kadang nangis ra gelem ngaji
Dibedo cah gede sandalku ilang siji.

Udan ra udan sing penting ngaji
Moco qur'an yen Jum'at berjanji
Kadang entuk jajan kadang ra mesti
Sing penting berkah ridlo Kyai.

Bareng wes gede lagi ngerti
Ngelmu ndek cilik manfaati
Dadi pejabat dadi Bupati
Mimpin Umat wani ngayomi

Matur suwun romo Kyai
Ikhlas paring ngelmu aji
Kulo gegem nggo gandulaning ati
Noto urip lan sangu mati

Umat butuh umaro'  tulodo
Bareng Ulama' noto menungso
Nggagas, ngucap, laku satriyo
Dunyo akhirat bejo mulyo

Ayo - ayo rungokke dawuh Kyai
Najan pinter teknologi
Managemen lan sains masa kini
Nanging Qur'an ojo lali

Alhamdulillah santri saiki
Nganggo sarung klambi lan peci
Nyemak qur'an ra tau lali
Buka laptop kuasai informasi

Allahu Akbar ! Nusantara bersinar
Allahu Akbar ! Santri berikrar
Allahu Akbar ! Panjiku berkibar
Allahu Akbar ! Allah Maha Besar.......

Selamat menyambut hari santri tanggal 22 Oktober