Bimbo - Sajadah Panjang

Khutbah Idul Fitri

NUJU MARANG KASUCINING JIWA

السلام عليكم ورحمة الله وبركاته

اللهُ اَكْبَرْ (3×) اللهُ اَكْبَرْ (3×) اللهُ اَكبَرْ (3×) اللهُ اَكْبَرْ كُلَّمَا هَلَّ هِلاَلٌ وَاَبْدَرَ اللهُ اَكْبَرْ كُلَّماَ صَامَ صَائِمٌ وَاَفْطَرْ اللهُ اَكْبَرْكُلَّماَ تَرَاكَمَ سَحَابٌ وَاَمْطَرْ وَكُلَّماَ نَبَتَ نَبَاتٌ وَاَزْهَرْوَكُلَّمَا اَطْعَمَ قَانِعُ اْلمُعْتَرْ. اللهُ اَكْبَرْ اللهُ اَكْبَرْ اللهُ اَكْبَرْ لاَ اِلَهَ اِلاَّ اللهُ وَاللهُ اَكْبَرْ اللهُ اَكْبَرْ وَ للهِ اْلحَمْدُ. اَلْحَمْدُ للهِ الَّذِى جَعَلَ لِلْمُسْلِمِيْنَ عِيْدَ اْلفِطْرِ بَعْدَ صِياَمِ رَمَضَانَ وَعْيدَ اْلاَضْحَى بَعْدَ يَوْمِ عَرَفَةَ. اللهُ اَكْبَرْ (3×) اَشْهَدُ اَنْ لاَ اِلَهَ اِلاَّ اللهُ وَحْدَهُ لاَ شَرِيْكَ لَهُ لَهُ اْلمَلِكُ اْلعَظِيْمُ اْلاَكْبَرْ وَاَشْهَدٌ اَنَّ سَيِّدَناَ مُحَمَّدًا عَبْدُهُ وَرَسُوْلُهُ الشَّافِعُ فِى اْلمَحْشَرْ نَبِيَّ قَدْ غَفَرَ اللهُ لَهُ مَا تَقَدَّمَ مِنْ ذَنْبِهِ وَمَا تَأَخَّرَ. اللهُمَّ صَلِّ عَلىَ سَيِّدِنَا مُحَمَّدٍ وَعَلَى اَلِهِ وَاَصْحَابِهِ الَّذِيْنَ اَذْهَبَ عَنْهُمُ الرِّجْسَ وَطَهَّرْ. اللهُ اَكْبَرْ. اَمَّا بَعْدُ. فَيَا عِبَادَاللهِ اِتَّقُوااللهَ حَقَّ تُقَاتِهِ وَلاَ تَمُوْتُنَّ اِلاَّ وَاَنْتُمْ مُسْلِمُوْنَ

Hadirin Jama’ah Shalat ‘Idul Fitri Rahimakumullah,

Wonten ing enjang ingkang endah punika, sumangga kita ngaturaken raos syukur dhumateng ngarsa dalem Allah Swt., ingkang sampun maringi kekiyatan dhumateng kita saged ngrampungaken ngibadah siyam Ramadlan satunggal wulan muput wonten ing tahun punika. Kita ugi ngaturaken syukur, jalaran kita dipunkanthi dening Allah Swt. saged tindak dhateng lapangan punika kangge mbuktekaken raos tresna kita dhumateng Rasulullah saw. lan mbuktekaken bekti kita dhumateng Allah Swt. ingkang ngendhaleni jiwa lan raga kita.

Shalawat saha salam mugi tansah kaparingaken dhumateng junjungan kita Nabi Agung Muhammad saw., sumrambah dhumateng para kulawarga, shahabat, tabi’in, tabi’it tabi’in, lan para tiyang ingkang tansah mituhu dhumateng panjenenganipun. Amin Yaa Rabbal ‘Alamin.

Hadirin Jama’ah Shalat Idul Fitri Rahimakumullah,

Satunggal wulan laminipun kita nglampahi siyam, sampun mesthi kemawon anggen kita nindakaken siyam mbudi-daya amrih siyam saged kita tindakaken kanthi ikhlash lan ngajeng-ajeng pikantuk ridlonipun Allah Swt. , saged ngobong sadaya dosa-dosa kita, jalaran Ramadlan piyambak tegesipun ngobong utawi mbesmi. Kados dhawuh pangandikanipun Rasulullah saw.:

مَنْ صَامَ رَمَضَانَ اِيْمَانًا وَاحْتِسَابًا غُفِرَ لَهُ ماَ تَقَدَّمَ مِنْ ذَنْبِهِ.

“Sapa wonge kang pasa ing wulan Ramadlan kanthi lambaran iman lan ngarep-arep ridlane Allah Swt., mula bakal dingapura dosa-dosane sing wis kapungkur.” (HR. Ashhabus Sunan).

Mugi-mugi dosa-dosa kita dipunparingi pangapunten dening Allah Ta’ala, kalebet dosa-dosa kita dhumateng sasami ngagesang.

Ma’syiral Muslimin Rahimakumullah,

Dipunsadhari utawi boten dipunsadhari kita salebetipun satunggal wulan dipun-gembleng dening Allah Swt. ngendhaleni nafsu kita; ngedhaleni nafsu dhahar, nafsu ngunjuk, nafsu biologis, lan sadaya nafsu pangridhunipun setan. Kados ingkang kita mangertosi bilih nafsu punika tansah ngajak dhumateng tumindak dosa hangkara murka, kajawi tiyang ingkang pikantuk rahmatipun Allah Swt.  Kados dhawuhipun Allah Swt.:

“Lan Ingsun ora ngumbarake awak Ingsun (saka kesalahan), jalaran satemene nepsu iku tansah ngajak marang duraka, kejaba nepsu kang kaparingan rahmat dening Pengeran ingsun. Sejatine Pengeran ingsun iku Maha Mangapura tur Maha Welas.” (QS. Yusuf [12]:53).

اللهُ اَكْبَرُ اللهُ اَكْبَرُ وَلِلَهِ الْحَمْدُ.

Hadirin Jama’ah Shalat Idul Fitri Rahimakumullah,

Para ahli jiwa ngendikakaken bilih manungsa punika nggadhahi fitrah,  antawisipun inggih punika:

1.      Fitrah beragama (Ngrasuk Agami). Miturut katerangan Al-Qur’an bilih manungsa punika nggadhahi fitrah beragama. Nalika manungsa punika taksih wonten ing alam roh, manungsa nate ngawontenaken prajanji kaliyan Allah Swt. kados dhawuhipun:

øàMó¡s9r& öNä3În/tÎ/ ( (#qä9$s% 4’n?t/ ¡ !$tRô‰Îgx© ¡  

“Apa ta Ingsun iki dudu Pangeranira?”. Dheweke padha mangsuli: “Leres, Panjenengan Pangeran kawula, kawula dados seksi.” (QS. Al-A’raaf [7]:172).

Miturut  Prof. Dr. C.G. Toung (ahli ilmu jiwa), ngendikakaken bilih fitrah keagamaan manungsa punika sampun dipunbekta awit nalika manungsa lahir ingkang dipunparingaken dening alam, lan dipunsebat “Naturaliter religiosa”. Nanging jalaran sifatipun manungsa kathah supenipun lajeng kasepakatan punika lajeng supe. Pramila lajeng Allah Swt. ngutus para Nabi lan Rasul ingkang supados ngemutaken para manungsa amrih tetep dados tiyang ingkang sae lan inggil martabatipun. Kanthi siyam tiyang saged ngutamekaken dhawuhipun Allah Swt. katimbang dhawuh sanesipun. Katitik sanajan nggadhahi raos luwe lan ngelak piyambakipun boten purun dhahar utawi ngunjuk, jalaran kepengin taat mituhu dhumateng dhawuhipun Allah Swt.

Allah Swt. dhawuh:

 |=ÏGä. ãNà6ø‹n=tæ ãP$u‹Å_Á9$# 

“… diwajibake marang sira kabeh ngelakoni pasa.. .” (QS. Al-Baqarah [2]:183).

2.      Fitrah sosial. Manungsa punika kalebet satunggalipun makhluk sosial. Allah swt. dhawuh: 

tb%x. â¨$¨Z9$# Zp¨Bé& Zoy‰Ïnºur

“Manungsa iku ummat kang siji.” (QS. Al-Baqarah [2]:213).

Para ahli kemasyarakatan ngendikakaken: “MAN IS BORN BY SOCIAL BEING” (manungsa iku dilahirake minangka dadi makhluk sosial). Gesang wonten ing masyarakat kedah dipunlambari kanthi lambaran katresnan lan tulung-tinulung. Wonten ing salebetipun wulan Ramadlan kadhawuhan ngathah-ngathahaken sadaqah lan infaq. Kanthi punika, pramila siyam Ramadlan saged mangsulaken tiyang gesang bermasyarakat kanthi lambaran katresnan lan tulung tinulung.

3.      Fitrah bersusila. Saben-saben tumindak lan pangucapipun manungsa nggadhahi nilai. Benten kaliyan kewan, ingkang boten wonten nilainipun sadaya tingkah-lakunipun. Awit saking punika Rasulullah saw. dhawuh bilih panjenengnipun dipunutus Allah Swt. supados nyempuranakaken akhlak.

اِنَّمَا بُعِثْتُ لِأُتَمِّمَ مَكَارِمَ الْاَخْلاَقِ.

“Ingsun diutus ora ana liya kajaba didhawuhi nyempurnakake akhlak kang mulya.”

Salebetipun siyam Ramadlan budi pekerti punika kedah dipunjagi ingkang saestu.  Kanthi siyam estu-estu ndhidhik tiyang supados nggadhahi budi pakerti ingkang sae. Pramila siyam badhe saged mangsulaken manungsa dhateng fitrahipun minangka makhluk bersusila.

4.      Fitrah minangka makhluk bermartabat ingkang inggil. Allah swt. Dzat ingkang Maha Nyipta kanthi cetha lan tegas ngendika bilih manungsa punika:

 4.1. Makhluk ingkang langkung sae tinimbang makhluk sanesipun.

ô‰s)s9 $uZø)n=y{ z`»|¡SM}$# þ’Îû Ç`|¡ômr& 5OƒÈqø)s? ÇÍÈ   

“Satemene Ingsun wus nitahake manungsa kanthi wangun kang saapik-apike.” (QS. At-Tiin [95]:4).

4.2. Makhluk ingkang paling dipuntresnani.

óOs9r& (#÷rts? ¨br& ©!$# t¤‚y™ Nä3s9 $¨B ’Îû ÏNºuq»yJ¡¡9$# $tBur ’Îû ÇÚö‘F{$#

“Apa ta sira kabeh ora padha migatekake yen satemene Allah wis nglulutake kanggo (kaperluwan) ira kabeh apa kang ana ing langit lan apa kang ana ing bumi.. .” (QS. Luqman [31]:20).

Kanthi siyam saged ngendhaleni nafsu; nafsu nedha, nginum, nafsu birahi, lan nafsu-nafsu sanesipun  ingkang kedah dipunkendhaleni salebetipun nindakaken siyam. Pramila siyam saged mangsulaken manungsa dhumateng martabat ingkang langkung inggil katimbang makhluk-makhluk sanesipun.

5.      Fitrah suci. Miturut ajaran syari’at Islam, bilih manungsa punika dipunlahiraken kanthi kawontenan suci. Piyambakipun reged, jalaran dosa ingkang dipuntindakaken, lan kanthi dosa punika ingkang saged ngregedi jiwanipun manungsa. Allah Swt. dhawuh:

žxx. ( 2ö@t/ tb#u‘ 4’n?tã NÍkÍ5qè=è% $¨B (#qçR%x. tbqç6Å¡õ3tƒ ÇÊÍÈ  

“Babar pisan ora (kaya mengkono), sabenere apa kang tansah padha dilakoni iku  nutupi marang atine dheweke kabeh.” (QS. Al-Muthaffifiin [83]:14).

Hadirin Jama’ah Shalat Idul Fitri Rahimakumullah,

Ngulinakaken gesang kanthi fitri ingkang suci punika gesang ingkang dipunkersakaken dening Allah Swt., lan Allah Swt. boten badhe nampi dhumateng kawulanipun ingkang reged jalaran dosa ingkang dipunsandhang. Kados dhawuh pangandikanipun Allah Swt.:

žwÎ) ô`tB ’tAr& ©!$# 5=ù=s)Î/ 5OŠÎ=y™ ÇÑÒÈ  

“Kajaba wong-wong kang sowan ana ngarsane Allah kanthi ati kang resik.” (QS. Asy-Syu’araa [26]:89).

Allah Swt. dhawuh wonten ing ayat sanes:

¨bÎ) tûüÏB̍ôfßJø9$# ’Îû É>#x‹tã tL©èygy_ tbrà$Î#»yz ÇÐÍÈ   

“Satemene wong-wong kang nyandhang dosa iku langgeng siksane ana ing neraka Jahannam.” (QS. Az-Zukhruf [43]:74).

Kanthi siyam Ramadlan ingkang nembe kemawon kita tindakaken mujudaken sarana kita kangge nyucekaken lan mangsulaken jiwa kita ingkang suci. Inggih punika; fitrah beragama, fitrah sosial, fitrah bersusila, fitrah minangka makhluk bermatabat ingkang inggil, lan fitrah suci.

اللهُ اَكْبَرُ اللهُ اَكْبَرُ وَلِلَهِ الْحَمْدُ.

Hadirin Jama’ah Shalat Idul Fitri Rahimakumullah,

Awit saking punika dinten punika kawastanan “ ‘IDUL FITRI” dinten wangsul dhateng kasucen. Lan inggih wonten ing wekdal punika, pramila manawi kita pinanggih kaliyan kanca-kanca lajeng ngaturaken:

مِنَ الْعَائِدِيْنَ وَاْلفَائِزِيْنَ.

“Muga-muga sira kalebu perangane wong kang bali marang fitri.”

Ing wasana sumangga kanthi manah ingkang ikhlash kita ndonga nyenyuwun dhumateng ngarsanipun Allah Swt. mugi-mugi kita kalebet ewonipun tiyang ingkang fitri, lan dipunparingi saged pinaggih wulan Ramadlan wonten ing tahun ingkang badhe dhateng kanthi umur ingkang barakah.(SF)

 Amin, amin Yaa Rabbal ‘Alamin.                   

اَعُوْذُ بِاللهِ مِنَ الشَّيْطَانِ الرَّجِيْمِ. وَاَمَّا مَنْ خَافَ مَقَامَ ربِّهِ ونَهَيَ النَّفْسَ عَنِ اْلَهوَى فَاِنَّ الْجَنَّةَ هِيَ اْلمَأْوَى. جَعَلَنَا اللهُ وَاِيَّاكُمْ مِنَ اْلعَائِدِيْنَ وَاْلفَائِزِيْنَ وَاْلمَقْبُوْلِيْنَ وَاَدْخَلَنَا وَاِيَّاكُمْ فِى زُمْرَةِ عِبَادِهِ الصَّالِحِيْنَ وَاَقُوْلُ قَوْلِى هَذَا وَاسْتَغْفِرُ لِى وَلَكُمْ وَلِوَالِدَيَّ وَلِسَائِرِ اْلمُسْلِمِيْنَ وَاْلمُسْلِمَاتِ فَاسْتَغْفِرْهُ اِنَّهُ هُوَاْلغَفُوْرُ الرَّحِيْمُ

KHUTBAH KEDUA

اللهُ اَكْبَرْ (3×) اللهُ اَكْبَرْ (4×) اللهُ اَكْبَرْ كبيرا وَاْلحَمْدُ للهِ كَثِيْرًا وَسُبْحَانَ الله بُكْرَةً وَ أَصْيْلاً لاَ اِلَهَ اِلاَّ اللهُ وَالللهُ اَكْبَرْ اللهُ اَكْبَرْ وَللهِ اْلحَمْدُ. اْلحَمْدُ للهِ عَلىَ اِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَاَشْهَدُ اَنْ لاَ اِلَهَ اِلاَّ اللهُ وَاللهُ وَحْدَهُ لاَ شَرِيْكَ لَهُ لَهُ تَعْظِيْمًا لِشَأْنِهِ وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى اِلىَ رِضْوَانِهِ اللهُمَّ صَلِّ عَلَى سَيِّدِنَا مُحَمَّدٍ وعَلَى اَلِهِ وَاَصْحَابِهِ وَسَلِّمْ تَسْلِيْمًا كَِثيْرًا. اَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا اَمَرَ وَانْتَهُوْا عَمَّا نَهَى وَزَجَرَ.وَاعْلَمُوْا اَنَّ اللهّ اَمَرَكُمْ بِاَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى اِنَّ اللهَ وَمَلآ ئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللهُمَّ عَنِ اْلخُلَفَاءِ الرَّاشِدِيْنَ اَبِى بَكْرٍوَعُمَروَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَىيَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا اَرْحَمَ الرَّاحِمِيْنَ. اللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ اللهُمَّ اَعِزَّ اْلاِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ اَعْدَاءَالدِّيْنِ وَاعْلِ كَلِمَاتِكَ اِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَاوَاِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ. عِبَادَاللهِ ! اِنَّ اللهَ يَأْمُرُنَا بِاْلعَدْلِ وَاْلاِحْسَانِ وَإِيْتآءِ ذِى اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِوَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوااللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ اَكْبَر