Berkarya Menulis Inspirasi

PITUTUR PINISEPUH

Weling Pituturing Pinisepuh

Nggèr anakku...
Sawangen kaé dagelan jagat...
Sing lagi rebutan ndonya lan pangkat
Rumangsané wis paling kuat kinurmat.
Nganti lali yèn ndonya iki bakalé kiamat.

Nggèr anakku..
Sawangen kaé dagelan jagat
Padha lali ngrumat wasiat
Gaman aji kanggo ndonya akhirat

Nggèr anakku...
Sing kok sawang kaé ojo ditiru
Rungokno lan élinga marang pesenku
Kanggo gondèlan laku uripmu

Nggèr anakku...
Ayu-bagusmu dudu saka wedak pupur kang gampang luntur..
Ning soko resiké atimu kang ngugemi pitutur luhur..
Sugihmu dudu emas picis raja brana sing gampang sirna..
Ananging jembaring atimu sing koyo segara..
Kang biso nampa pesthining Gusti Allah kang Maha Kuwoso.

Nggèr.. anakku..
Eling di eling-eling
Ojo nganti teteging imanmu nggoling
Sekarat pati bakal banget larané
Yèn rikala jaman uripé
Akeh dosané, lali marang tobaté
Pramula ayo pada éling selawasé
Dimèn pada becik nganti ing wekasané

Wilujeng dhumateng sederek-sederek  Sedaya
Sumangga kita sami reresik manah kita 
Kita  mengkeraken warsa 2016 M, saha ngawiti warsa enggal 2017 kanthi manah ingkang tentrem ayem nir ing sambikala 
Gusti Allah amberkahi kita sedaya...
Aamiin